කතා පිටුව - the story page

දෙවනි දිගහැරුම දෙවන කොටස ඇගේ නම රොබෙර්ටා ෆොර්ඩ් ය. (ඇය ෆොර්ඩ් පවුලට කිසිදු සම්බන්ධයක් නැත.). මීට දෙවසරකට පෙර ඇගේ සැමියා රෝස්, මෙලව හැර ගියේ ඇයට සැලකියයුතු ධනයක් ඉතිරිකර තබමිනි. එය එසේ වීම ඉතා සාධාරණ විය. ගෘහ නිර්මාණ ශිල්පියෙකු වූ ඔහුගේ සාර්ථකත්වයේ සෑම පියවරක් පිටිපසම ඇය සිටියාය. ඇය හාර්වර්ඩ් විශ්ව විද්‍යාලයේ ව්‍යාපාර කළමණාකරනය පිළිබඳ විශාරධ උපාධියකටද හිමිකම් කීවාය. ඇත්ත වශයෙන්ම එම දස්කම දැක්වූ ලෝකයේ මුල්ම කාන්තාවන් කණ්ඩායමේ සාමාජිකාවකි ඇය. ඇය අලෙවිකරණය පිලිබඳ සුවිශේෂ දක්ෂතාවක් සහිත කාන්තාවක් විය. එනිසාම ඇය දේපළ වෙළඳාම් ක්ෂේත්‍රයට යොමුව සිටියාය. ඇය කෙතරම් දක්ෂ වීද යත් වසර පහක් පුරාවටම සෑම වසරකම ඩොලර් මිලියනය ඉක්මවා දේපළ වෙළඳාම් කිරීමට ඇයට හැකියාව ලැබී තිබුණි. වසර හතරකදීම ඇගේ ආධායම ඩොලර් 75,000 ඉක්මවා තිබුණි. එවන් පසුබිමකදීය ඇයට රොස් මුණ ගැහුනේ. ඇය ඇගේ අනාගත් සැලසුම් සියල්ල හකුලාගෙන රෝස් හා විවාහ විය. විවාහයෙන් වසරකට පසු, ඇගේ සැමියාගේ ආයතනයේ එක් ශාකාවකින් ඉතා විශාල මුදල් වංචාවක් හසුවිය. ඇගේ සැමියා හා ඔහුගේ ව්‍යාපාරික සහකරු සූදානම් වූයේ එය අමතක කර දමා ඉදිරියට යාමටයි. නමුත් රොබෙර...

දෙවනි දිගහැරුම පළමු කොටස ලෝරන් හාර්ඩ්මාන්, තමා ඉතා වාසනාවන්තයෙකු බව දැන සිටියේය. ආයතනය මේ වනවිට තිබුනේ ඔහුගේ පාලනයේය. ඔහුගේ සීයා, පළමුවැන්නා ෆාම් බීචයට පසු බැස සිටියේය. වරින් වර ඔහුගේ අතපෙවීම් තව දුරටත් සිදු වූවත්, ආයතනයේ දෛනික පරිපාලනය ලෝරගේ අධීක්ෂණය යටතට බොහෝදුරට පත්වී තිබුණි. පළමුවැන්නාගේ ප්‍රධාන ඉල්ලීම වූයේ ආයතනය තවදුරටත් මෝටර් රථ නිෂ්පාදනය පවත්වාගෙන යා යුතු බවයි. එනිසා අති පැරණි සන්ඩාන්සර් රථය තවදුරටත් ආයතනය මගින් නිපදවමින් තිබුණි. නමුත් එය එතරම් කලකට නොවනු ඇතිබව ලෝරන්ස් තරයේ විස්වාශ කලේය. එයටත් වඩා ලොරන්ස්ගේ එනම් තෙවැන්නාගේ සිත් ගත්තේ තව දුරටත් ඇංජලෝගේ අත පෙවීම් නොමැති වීමයි. ඔහු ඩෙට්‍රොයිටයට පවා ආවේ ගියේ ඉතා කලාතුරකිනි. ආයතනයේ කටයුතුවලට කිසිදු අතපෙවීමක් නොකරන ලෙසට ඇංජලෝට පළමුවැන්නාගෙන් දැඩි නියෝගයක් ලැබී තිබුණි. කොටස් ලක්ෂ දෙකක් හිමියෙකු ආයතනයෙන් සම්පූර්ණයෙන් ඈත්කර තැබීම එතරම් පහසු කටයුත්තක් නොවූවත්, පළමුවැන්නාට එරෙහිවීමට තරම් ඇංජලෝ මෝඩයෙකු නොවන වග තෙවැන්නා මනාම දැන සිටියේය. පළමුවැන්නා දක්ෂයෙක් මෙන්ම තදයෙකුද විය. පෙරීනෝගෙන් වැඩගත් ඔහු අවසානයේ ඒ ඉතාලියානු ...