හැරල්ඩ් රොබින්ස් මහතාගේ "the stallion" නවකතාවේ අනුවාදනයකි.
පෙර කතාව
එය 1939 වසරේ ග්‍රීස්මයේ එක්තරා දිනයකි. ස්ථානය ඩෙට්‍රොයිටයේ එකතරා උද්‍යානයකි. හැට වියැති ලෝරන් හාර්ඩ්මන් මහතා හෙදියකගේ උදව්වෙන් තල්ලුවන සිය රෝද පුටුවේ සිට උද්‍යානය හරහා ගමන් කරමින් සිටියේය. ඔහුගේ නෙත ගැටුනේ සිය සෙල්ලම් කාරය පදවමින් සිටි අට හැවිරිදි ඇන්ජලෝවයි. මෙම හුරුබුහුටි සෙල්ලම් කාරය කුඩා දරුවාගේ සීයා විසින් ඉතාලියේදී විශේෂයෙන් ඔහු වෙනුවෙන්ම නිපදවා නිපදවා එවන ලද්දකි.
ලොරන් මහතා නිරීක්ෂණය කලේ දරුවා කොතරම් උත්සාහ කලත් සෙල්ලම් කාරය ඉතා කුඩා කන්දක්වත් තරණය කිරීමට සමත් නොවන වගයි. "මේක මට හදන්න පුලුවන්." ලොරන් මහතා තමාටම කියා ගත්තේය. ඉන් නොනැවතුනු ඔහු සටහන් පොතක් ගෙන සෙල්ලම් කාරයට වඩා සුදුසු ට්‍රාන්ස්මිශන් පද්දතියක් එහි සටහන් කලේය.
රෝද පුටුවේ සිටින මෙම වයසක පුද්ගලයා රටේ හතරවන විශාලතම මොටර් රථ නිශ්පාදන ආයතනයේ එනම් බෙත්ලෙහෙම් මෝටර්ස් ආයතනයේ ප්‍රධාන විධායක නිළධාරියා වග කුඩා ඇන්ජලෝ දැන සිටියේ නැත. බෙත්ලෙහෙම් ආයතනය නිර්මාණය කල ඔහු එය ප්‍රවෙණි දාසයන් පාලනය කරන නින්දගම් හිමියෙකුසේ දැඩි අයෝමය හස්ථියකින් පාලනය කරමින් සිටි බවද කුඩා ඇන්ජලෝ දැන සිටියේ නැත. ෆෝර්ඩ් ආයතනයේ ආරම්භකයා, පලවන හෙන්(රි) ෆෝර්ඩ් මෙන්ම මෙම වයසක මිනිසාද සිය ගමන පටන්ගෙන තිබුනේ ලෝකුරුවෙකු ලෙසිනි. ඔහු මෙන්ම මොහුද සිය ප්‍රථම මොටර් රථය නිපදවා තිබුනේ තමාගේම දෑතිනි. ඉංජීනේරු කර්මය පිළිබඳ කිසිදු මූලික දැනුමකින් තොරව සිය ප්‍රථම මෝටර් රථය නිපදවූ මේ මිනිසා,කළමණාකරනය පිළිබඳව කිසිදු මූලික දැනුමකින් තොරව ස්ව උත්සාහයෙන්ම බෙත්ලෙහෙම් මොටර්ස්, මොටර් රථ නිෂ්පාදන සමාගමද ඔහු විසින් ගොඩ නඟා තිබුනි.
මොහු හෙන්(රි) ෆෝර්ඩ්ට සමාන වූයේ ඉහත කරුණුවලින් පමනක්ම නොවේ. මොහුද ඔහු මෙන්ම මාන්නධික, හිතුවක්කාර හා අත්තනෝමතික පුද්ගලයෙකු ද විය. මෙනිසාම, ඇන්ජලෝගේ කුඩා සෙල්ලම් කාරයට අවශ්ය්‍ය බලය සහ වේගය සපයා දීමට ඩොලර් 11,000 ක් සිය ආයතනයෙන් සපයා ගැනීමට මෙම වයසක මිනිසා කිසිසේත්ම පසුබට නොවීය.
කාලය විසින් ලෝරන් මහතා මහල්ලෙක් හා ලෙඩෙක් බවට පත්කර තිබුනි. එසේම දෙවියන් ඔහුට සලකා තිබෙන ආකාරය පිලිබඳ ඔහුගේ සිතේ තිබුනේ සතුටක් නම් නොවේ. ඔහුගේ පුතා හා පුතාගේ පුතා, එනම් ඔහුගේ මුනුබුරා පිළිබඳ ඔහු පසු වූයේ එතරම් සිත් සතුටකින් නොවේ. ඔහුව හාර්ඩ්මෑන් අංක 1 ලෙසටත් ඔහුගේ පුතා අංක 2 ලෙසටත් මුනුබුරා අංක 3 ලෙසටත් ප්‍රසිද්දියට පත්ව සිටි අතර ඔහු ගොඩනැඟූ ආයතනය අංක 2ට හෝ අංක 3ට භාරදීමට අංක එකට කිසිදු කැමැත්තක් නොවීය.
කුඩා ඇන්ජලෝ ක්‍රමයෙන් වර්ධනය වූයේ මෙම මහල්ලා සතුවූ චරිත ලක්ෂණ වඩ වඩාත් පෙන්නුම් කරමිනි. මොහුද ඔහු මෙන්ම ශක්තිමත්, ප්‍රභල හා උද්‍යෝගිමත් පුද්ගලයෙකු වූ අතර ඔහු මෙන්ම මෝටර් රථ පිළිබඳ පිබිදුනු සිතැත්තෙකු විය. මෝටර් රථ සැලසුම් කිරීම, නිපදවීම හා වේගයෙන් ධාවනය කිරීම ඔහුගේ මෙන්ම මොහුගේද ප්‍රධාන විනොදාශ්වාදයන් විය. ඔහු මෙන්ම මොහුද තමාට අවශ්‍ය දේ කෙසේ හෝ ලබා ගන්නෙකුද විය.
මුලින්ම ඔහුට අවශ්‍ය වූයේ මෝටර් රථ ධාවන සූරයෙකු වීමටය. ඔහු එය සපුරාගත්තා පමනක් නොව 1963 වසර වනවිට ලෝක ශේණි ගතකිරීම් අනුව ගෝන් ෆ්‍රී ධාවන ශූරයන් අතර දෙවැන්නා බවට පත්වීමටද සමත් විය. එකල ඔහුට මූණපෑමට සිදුවූ අති බිහිසුණු රිය අනතුර නිසා නොවන්නට ශ්‍රේණි ගතකිරීම්වල ඔහු පළමු තැනට පත්වීමට බොහෝ ඉඩකඩක් තිබුනි.
මහල්ලා කුඩා ඇන්ජලෝගේ සෙල්ලම් කාරය වැඩි දියුණු කිරීමට සිත් යොමු කරේ ඔහු වෙලාගෙනතිබූ අලස බවින් මදක් හෝ මිදීමටය. ඔහු නිර්මාපකයෙක් විය. නව නිමැයුම් ලෝකයා අතරට ගෙනයාම හා එමගින් ලෝකය ජය ගැනීම ඔහුගේ දිවියේ ප්‍රධාන විනෝදාංශයන් වීය. බෙත්ලෙහෙම් ආයතනය ලෝකයා අතරට ගෙනගිය අතිවිශිෂ්ට පවුලේ වාහනයක් වූ 'සන්ඩාන්සර්' මෝටර් රථය ඔහුගේම නිර්මාණයක් විය. 1969 වසර වනවිට ඔහුගේ හිතේ ඇඳී තිබුනේ ස්පෝර්ට්ස් වර්ගයේ මෝටර් රථයක් නිපදවීමේ සිහිනයයි. ඔහු එය සිය මිණිබිරියගේ නමින්, එනම් 'බෙට්සි' යනුවෙන් නම් කිරීමට ඇයට පොරොන්දුවක්ද දී තිබුනි.
බෙට්සි සිහිනය සැබෑ කරගැනීමට ඔහු සිය විශ්වාසය තැබූයේ මෝටර් රථ ඉංජීනේරුවෙකු මෙන්ම මෝටර් රථ ධාවන සූරයෙකුද වූ ඇන්ජලෝ පෙරීනෝ කෙරෙහි පමනි. අනතුර නිසා දැඩිලෙස හානී වී තිබූ ඇන්ජලොගේ මූණ ප්ලාස්ටික් සැත්කමකින් නැවත යතා තත්වයට පත් කිරීමට මහල්ලා සිය ආයතනයේ මුදල් යොදවා ඇන්ජලෝව ස්විට්සර්ලන්තයට පිට කර හැරියේය. නැවත පැමිනි ඇංජලෝව, මහල්ල ඩෙට්‍රොයිටයේ සිය ආයතනයට යොමුකලේ බෙට්සි රථය නිපදවීමට අවශ්‍යය සියලු සම්පත් හා බලතල ඇංජලෝ වෙත නිර්ලෝභීව පවරා දෙමිනි.
ඒ වනවිට දෙවැන්නා සිටියේ පරලොව ගොසිනි. තෙවැන්නා පළමුවැන්නා හා සටන් කරමින් සිටියේ බෙත්ලෙහෙම් ආයතනය මුලුමනින්ම සියතට ගැනීමටය. තෙවැන්නාගේ විශ්වාසය වූයේ බෙත්ලෙහෙම් ආයතනයේ අනාගතය මෝටර් රථ නිපදවීම මත නොව විදුලි උවාරණ නිපදවීම මත රඳා පවතින බවය. බෙත්ලෙහෙම් ආයතනය ඔහුගේ ග්‍රහණයෙන් මිදී කොහෙන්දෝ ආ ඇංජලෝගේ ග්‍රහණයට නතුවීම ඔහුට කිසිසේත්ම දරාගත් නොහැක්කක් විය. ඇංජලෝ සාධකය ඉවත් කරවාලීමට වරක් ඔහු මැරයන් යොදවා ඇංජලෝට පහර දීමට තරම් දුරදිග ගියේය.
ඇංජලෝ, මැර ප්‍රහාරයකින් බියට පත්වී සියල්ල අත්හැර පලායන දුර්වලයෙකු නොවීය. තෙවැන්නගේ අවාසනාවට ඔහු අත නොහැර සටන් කරන්නෙකු විය. මෙයින් සිදු වූයේ ඇංජලෝ වඩ වඩාත් කෝපයට පත්වීම පමණි. කෝප වූ ඇංජලෝ, බෙත්ලෙහෙම් ආයතනයේ කොටස් හිමියන්ගේ රැස්වීමේදී තුන්වෙන්නා පරදවා මහල්ලගේ එනම් පළමුවෙන්නාගේ අයිතීන් රැක දීමට කටයුතු කලේය.
ඇංජලෝ තමාවෙත ගෙනදුන් ජයග්‍රහණයෙන් උදම් වූවත්, සිය මුනුබුරාගේ පරාජය මහල්ලාගේ සිත් නොගත්තේය. ඔහුට අනුව ඇංජලෝ වනාහි වහා ඉවත්කලයුතු සාධකයක් විය. ඇංජලෝව සේවයෙන් පහ කල මහල්ලා ඉන් නොනැවතී ඔහුට බෙත්ලෙහෙම් ආයතන පරිශ්‍රයට ඇතුලුවීමද සපුරා තහනම් කලේය.
නමුත් ඇංජලෝ පෙරීනෝ හා හා(ර්)ඩ්මාන් පවුල අතර පවතින දෛවෝපගත අවාසනාවන්ත ගණුදෙනුව මින් නොනවතින බවට මේ වනවිටත් කරුණු පෙළ ගැසෙමින් තිබිණි.
මීළඟ කොටස ලඟදීම බලාපොරොත්තුවන්න....
Comments
Post a Comment