කතා පිටුව - the story page

දෙවනි දිගහැරුම පළමු කොටස ලෝරන් හාර්ඩ්මාන්, තමා ඉතා වාසනාවන්තයෙකු බව දැන සිටියේය. ආයතනය මේ වනවිට තිබුනේ ඔහුගේ පාලනයේය. ඔහුගේ සීයා, පළමුවැන්නා ෆාම් බීචයට පසු බැස සිටියේය. වරින් වර ඔහුගේ අතපෙවීම් තව දුරටත් සිදු වූවත්, ආයතනයේ දෛනික පරිපාලනය ලෝරගේ අධීක්ෂණය යටතට බොහෝදුරට පත්වී තිබුණි. පළමුවැන්නාගේ ප්‍රධාන ඉල්ලීම වූයේ ආයතනය තවදුරටත් මෝටර් රථ නිෂ්පාදනය පවත්වාගෙන යා යුතු බවයි. එනිසා අති පැරණි සන්ඩාන්සර් රථය තවදුරටත් ආයතනය මගින් නිපදවමින් තිබුණි. නමුත් එය එතරම් කලකට නොවනු ඇතිබව ලෝරන්ස් තරයේ විස්වාශ කලේය. එයටත් වඩා ලොරන්ස්ගේ එනම් තෙවැන්නාගේ සිත් ගත්තේ තව දුරටත් ඇංජලෝගේ අත පෙවීම් නොමැති වීමයි. ඔහු ඩෙට්‍රොයිටයට පවා ආවේ ගියේ ඉතා කලාතුරකිනි. ආයතනයේ කටයුතුවලට කිසිදු අතපෙවීමක් නොකරන ලෙසට ඇංජලෝට පළමුවැන්නාගෙන් දැඩි නියෝගයක් ලැබී තිබුණි. කොටස් ලක්ෂ දෙකක් හිමියෙකු ආයතනයෙන් සම්පූර්ණයෙන් ඈත්කර තැබීම එතරම් පහසු කටයුත්තක් නොවූවත්, පළමුවැන්නාට එරෙහිවීමට තරම් ඇංජලෝ මෝඩයෙකු නොවන වග තෙවැන්නා මනාම දැන සිටියේය. පළමුවැන්නා දක්ෂයෙක් මෙන්ම තදයෙකුද විය. පෙරීනෝගෙන් වැඩගත් ඔහු අවසානයේ ඒ ඉතාලියානු ...